Psa 81 | PONPDN | STEP | KOMAIL pereperen kauli ong Kot, me kel patail; ngisingis ong Kot en Iakop!

Psalms 81

1 KOMAIL pereperen kauli ong Kot, me kel patail; ngisingis ong Kot en Iakop!
2 Tapia kida kaul en kaping, o wiada tampurin, o laute kaselel iangaki arp!
3 Ni saunipong kap komail peuk koronete, ni maram, ni ran en im tantuka!
4 Pwe iduen tiak en Israel kusoned en Kot en Iakop eu.
5 A kotin wiadar kusoned wet ong Iosep, ni a lipa sang Akipten. I ronger masan pot, me i saikenta asa:
6 I kisanger katoutou kan pon apar a, o pa a saladokalar sang kopu kan.
7 Ni om likwirki dong ia om apwal, I ap sauasa uk; I kasale dok uk alar, ni ansau me koe lel ong nansapwe, o ong soson uk ni pil en akamai.
8 Komail nai aramas akan rong ia, I pan padaki on komail! O Israel, ma koe pan peiki on ia!
9 Sota amen Kot en mi re om, o koe der kaudoki on kot en men wai amen.
10 NGai Ieowa om Kot, me kalua uk sang nan Akipten. Ki pasan au om, i pan kadirela.
11 A nai aramas akan soata kin peiki ong ngil ai, o Israel sota duki ong ia.
12 I ari mued on irail ere insen arail ni ar aklapalap, pwe ren kekeid wei ni pein arail lamelam.
13 O ma nai aramas akan pan peiki on ia, o Israel pan weweid nan al ai kan,
14 I ap pan kaloedi ar imwintiti kan madang, o pa i pan u ong me pali ong irail akan,
15 O irail me kailonki Ieowa, sota pan kak on irail; o ansaun arail pakadeik pan duedeuta kokolata;
16 O I pan kamana kin irail korn kaselelia, o I pan katungole kin I onik sang nan paip o.